FACE le Kan Pipu Hna

Chin National Day anai. Democracy kanduh tiah bia an khiah ni asi. Federalism hmang i, Federal Ramkulh dirh kanduh tiah, Frontier Areas Commission of Enquiry hmai ah kan pupa hna nih voi tampi an chimh mi arak si. Kan miphun nih kan phung kan lam le kan kong kan lam hi kan mah te in khuakhan lairel kan duh tiah anrak timi lengmang hi “Self-determination” asi.

Hi hna pathum hmuh than khonak caah, Chin National Front nih kum 19 chung nunnak tampi pek i, rian atuan. CNF nih Chin National Interests/Ideals tiah ati mi “Self-determination, Democracy, le Federalism” hna hi 1988 ah CNF nih Chin National Interests/Ideals tiah aphuah cawp mi si lo i, kan pi pu hna akan hringsor tu hna nih an rak duh mi asi timi Frontier Areas Commission of Enquiry hmai ah 1947 lio i, an bia chimh mi hi zoh than tuah hna u sih.

Chairman: "There is one point in the memorandum on which we are not quite clear. Do you wish to join Ministerial Burma as a “district or districts” or do you wish to be ministered by “Federal Government” of all the people of Burma?"

Chin miphun nih hin, Ministerial Burma (Kawl hna sin ah) District pakhat (or) Districts in maw tel nan duh Kawlram in mi vialte ani telnak “Federal Acozah” uknak ah dah nan duh tiah ahal. Hi abia hal mi aruang cu, kan Pu le nih Memorandum an kuat mi ah khan Federal State, Federal Government, Government of Burma, Central Government timi hna fiante in an langhter kho lo caah, hal mi asi.

Chief Pum Za Mang: "We should like to be in the Federation according to the Panglong agreement."

Pu Pum Za Mang bia hi afiang taktak mi asi. Panglong Agreement ning te in, Federal State si i, Federal Union ah um kan duh tiah achimh duh mi hi leh kho asi. Zei caah tiah, Panglong Agreement ah kha, Shan le Kachin nih secession right an hal lio ah Chin pawl kha an phan rih lo. Asinain, an phak hnu ah, Shan, Kachin, le Chin hna kha an thu ti i, Shan le Kachin nih Aung San he hna atlak mi poh kha kan duh ve anti tik ah, secession right kha Chin miphun ih 1947 constitution ning in ngeih kho asi ve i, Shan le Kachin kha State an hmuh bantuk in, Chin zawng kha hmuh ve ding kansi.

The Hon'ble U Tin Tut: "You seem to be under the impression that you will not get any financial assistance from Burma unless you federate under the Panglong agreement. Is that so?"

U Tin Tut hi, Aung San le U Nu thluak asi. Indian Civil Service a awng mi asi i, ca thiam taktak asi pin ah diplomacy athiam ngai mi asi i, Aung San le U Nu nih biapi deuh i, Mirang chawnh awk asi poh ah ani kal pi mi asi. Acung lei bia ahal mi hi kan zoh tik ah, kan Pu le hna kha “Federate” timi le “Finance” timi bia pahnih hmang i, athih phaih hna (or) an thluak a purh hna ti kho asi. Zei caah tiah, Chairman pa bia hal mi kha afiang tuk mi asi ko. Burma Proper District pakhat or District tamdeuh in maw um nan duh? Asi lo ah Federal State pakhat in dah ti kha asi. Cu caah, Kawl te hi zumh an har pengnak cu asi.

Chief Pum Za Mang: "Yes, we have that fear. If we could preserve our ancient customs, we should like to join with Burma proper. "

Pu Pum Za Mang nih hin U Tin Tut kha “Federate” nati mi hi zei dah asi tiah hal hma sa lo i, Finance timi atheih le cang ka i, thing phang ngai i chimh dawh asi. Cu caah, kan phung le kan lam kan kil kawi kho ah cun, (State Pakhat ah um lo i) “Burma Proper” ah tel kanduh ve ko tiah leh dawh asi.

Thakin Nu: "What as?"

U Nu bia hal mi hi, District pakhat in maw? Asi lo ah District Pakhatnak in tam deuh in maw ti lei in bia hal dawh asi. Cu pin ah, Chin hna hi, Kawl kuttang ah kan lut lai mi hi i lawmh dawh ngai asi.

The Hon'ble Sawbwa of Mongpawn: "Are you afraid you might not get financial assistance from Burma if you do not join as a district of Burma? "

Sawbwa of Mongpawn, Sat San Htun hi, mifim le cathiam asi pin ah politic lei ah Aung San hmanh nih a upat i, aa bo chanh taktak mi asi. Pu Pum Za Mang nih Burma Proper ah kan phung le lam kan kil kawi kho ah cun um kan duh ko tiah ati le cang ka in “Burma Proper” ah hin District pakhat in nan um lo ah cun, Phaisa bawmhnak hi Burma in nan hmuh lai lo timi maw nan tih tiah bia ahal mi si dawh asi. Zei caah tiah, Enquiry Commission member pakhat asi i, Chin upa hna nih hin, thil hi faing deuh in theih hna se law, Burma Proper ah District in an um lo zawng ah, Federal Revenue cu kani hrawm ah asi timi kha fiangte in theih hna seh timi duh saknak he bia hal mi alo.

Chief Pum Za Mang: "Yes, Sir. That is what we fear."

Pu Pum Za Mang nih hin Mongpawn Sawbwa Sat San Thun nih chimh ter aduh ning in chimh ti lo i, an tihnak kha alanghter. Cu le cang ka in, Mongpawn Sawbwa nih hin fiang deuh in atang lei bantuk in bia ahal than mi asi. Abia hal mi hi afiang taktak mi asi.

The Hon'ble Sawbwa of Mongpawn: "Is it your view that you want to join a Federation, like the Shans and Kachins, with equal representation in the Federal Government?"

Mongpawn Sawbwa nih hin, Chin Ram hi ahme zawng ah angan zawng ah, a rum zawng ah asi afak zawng ah, Federal system ning te in, Shan, Kachin hna le ikhat te in Federal Acozah kan dirh lai timi kha bia hal pah bu in, an lung thawn nak apek mi asi.

Chief Pum Za Mang: "Yes, Sir."

Pu Pum Za Mang zawng Mongpawn Sawbwe bia hi afiang taktak cang i, Chin miphun nih Panglong Agreement ning i, Federal Rampi dir i, Shan le Kachin hna nih an ngah mi vialte kan ngah ve awk asi timi alanghternak asi. Hi hi CNF nih nihin ah adirh pi mi Chin miphun nih an herh mi, an duh mi National Policy pakhat cu asi.

Sama Hsinwa Nawng: "What do you mean by Burma Government? Is it the Government of Ministerial Burma alone or the Government of Federation?"

Sama Kyi (Sama Hsinwa Nawng) hi siang inn sang pi akai lo mi asi nain, aruahnak akau taktak mi pakhat asi i, athin atawi ngai mi pakhat asi ve tiah anti. Mr. Bottom Lay (sp??) nih Panglong Agreement min an thut hlan ah, Shan, Kachin, le Chin upahna kha, “thate in ruat than rih u, nanmah te in independence” angah kho mi nan si” tiah ati lio ah, “Sama Hwinwa Nawng nih aa thawh i, “Kan mah u nau pawl bia kani ruah lio ah, zei bantuk uico bia hmanh theih kaduh lo” tiah ati mi asi. Chin upa hna nih an tial mi Memorandum ah khan Burma Government timi cafang an hmang mi kha Ministerial of Burma acozah maw asi? Shan, Kachin, Chin, Burman tiah dirh hnga ding mi “Federal Government or Government of Federation” dah ahal mi asi.

Chief Thang Tin Lian: "In our memorandum we mean the Federal Government."

Pu Than Tin Lian nih aleh mi hi a fiang ko. Chin State zawng Federal Union of Burma ah Kachin le Shan bantuk in State kansi ve lai i, Federal Government ah hin kani tel ve lai tiah Memorandum ah an tial mi kha “reinforce” atuah than mi asi.

Thakin Nu: "If you want the Chin Hills to become a district or districts of ministerial Burma, they cannot be administered by the Federal Government. Which do you mean? The Burma Government or Federal Government?"

U Nu tho tho hi, ahrawk hrawl hawi. Pu Pum Za Mang le Pu Thang Tin Lian nih Panglong Agreement ning te in Shan le Kachin hna bantuk i Federal State pakhat ah si ve i, Federal Union Government ah kani tel duh ve ko tiah, Sama Duwa Nawng le Mongpawn Sawbwa bia halnak hna an leh hnu ah, Burman Government le Federal Government tiah a nawn nawk hnawh hna. The Burma Government hi Burma Proper Government ati awk asi deuh i, Federal Government le Burma Government hi acawh mi hrim hrim hi, ahrok hrawlnak cu asi.

Chief Thang Tin Lian: "We meant the Federal Government, Sir. If that is not possible we shall have to reconsider the matter."

Pu Thang Tin Lian hi keimah si ning law, ka thin ahung cang lai. Asinain, athing aphang ngai mi alawhnak cu, “Asi kho lo ah cun” kan ruah than aherh ati tik ah, ahmasa i, Pu Pum Za Mang le amah an chimh mi hi azawrh ter than ngai.

Chairman: "The answer you gave me was that you want to be administered by the Government of Ministerial Burma and to become one or more districts in Burma. Now you talked about being governed by a Federal Government. What exactly do you mean?"

Sama Duwa Nawng le Mongpawn Sawbwa Sat San Htun hna nih indirectly in an chimh piak hna hnu ah ni fiang mi hi, ani fiang taktak hawi ti lo. Chairman pa nih hin, Government of Ministerial Burma le Federal Government adang ning an fiang taktak maw tiah afianhter than hna ti kho asi. Cu tik ah, Pu Thang Tin Lian aa palh cang.

Chief Thang Tin Lian: "All our areas – Falam, Haka, Tiddim and Kanpetlet should go into ministerial Burma as a district. We were not quite clear regarding these terms "Federal" and "Burma proper"."

Acung lei i, Federal Government tiah fiang tein ati kon cang nain, Ministerial Burma ah District in Falam, Haka, Tiddim and Kanpetleh hna hi an um lai tiah ati than. Pu Thang Tin Lian hi, Federal le Burma Proper adang ning a fiang ti lo.

Chairman: "Is this central government the government of Ministerial Burma, that is Burma excluding the Hill areas, or is it the government including the Hill areas?"

Chairman nih hi, Central Government an timi hi, Burma Proper Government maw asi, Federal Government (Burma Proper Government le Shan, Chin, Kachin vialte itelnak) Government maw asi timi a fiangh ter than hna. Asinain, Pu Pau Chin nih aleh mi hi apawi taktak mi cu asi. Central Government cu Central Government asi ko tiah aleh. Chairman nih Central Government phun hnih aum mi ah, phun khat kha chimh tuah u ati zawng ah an lung afiang ti lo caah si dawh asi.

Captain Pau Chin: "I mean the Central Government."

U Sein Lien: "We want to control our internal affairs ourselves and for the rest we should like to join with Burma proper."

Pu Sein Lien zawng nih kan mah kan kong kan lam hi, kan mah te in kani lairel khuakhan kho (Self-determination Rights kan ngeih ah cun) Burma Proper ah tel kan duh tiah ati hawi.

Miphun hawihna,

Kan pu le hi an mah le an chan lio ah Ram Uk bawi le Upa an rak si ko nain, Federal Ramkulh dirh awk asi tik ah, Federalism, Federation, Union Government, Burma Proper, Government of Burma Proper, Central Government timi hna hi an theih fiang kho ti lo.

Kan mah le kan mah te in, kan kong lam (kan politic, social, economic, cultural etc.,) hna hi lairel khuakhan khonak kan ngeih ah cun, Burma Proper ah tel kan duh ko anti mi hi atha tuk ko nain, hi bantuk in Chin miphun rights hna kha, systematically in thenh thiam i, amah le asi ning te in, vawlei cung ti luang ning bantuk in khuakhan lairel awk asi tik ah cun, an theih mi le an hmuh mi nih atling ti lo. Mirang hna nih, Frontier Areas Administration tang ah Chin miphun cu an chiah i, Burma Proper tang ah Burman, Mon, Rakhine, le Karen hna hi an uk i, Burma Proper Administration antuah mi zawng hi ani fiang lo.

Nihin ah CNF nih Chin miphun nih acung lei bantuk in an rak duh mi, Federal Ramkulh dir hawk an rak ti bantuk in le, 1948 February 20 ni ah, Falam khua ah lungrual te in an rak pomh cang mi Democracy uknak le, kan Chin miphun i, (Social, Political, Economic, Cultural rights etc.,) vialte kha kan mah le kan mah te in khuakhan lairel kanduh tiah Frontier Areas Commission of Enquiry hmai ah voi tamtu an chimh mi, Self-determination rights hna kan ngeih khonak caah rian atuannak ah hin, lungrual te in itel pi cio ve hna u sih. Kan Miphun rian hi kan miphun nih kan tuan lo ah cun, aho hmanh nih akan tuan piak lai lo.

Upatnak he,

Salai Ngun Cung Lian

Self-determination, Federalism, le Independence

Panglong Agreement:

Panglong Agreement ruang ah, Kawl tang ah kan lut lo. Kawl Ralkap "Revolutionary Council" nih Panglong Agreement kha zei rel lo i, Meithal thazang hmang i, akan uk mi asi. Panglong Agreement hi Binding angei mi Agreement asi i, Sign athut mi "Signatories" vialte nih "Contractual Obligation" ngeih cio asi. Cu bantuk Contractual Obligation cu Signatory or Signatories hna nih an duh ti lo "nullified" an tuah tik ah, a dih "null and void" asi. Nihin ni tiang ah, Panglong Agreement hi a valid mi asi. Zei caah tiah, Revolutionary Council nih Kawl kha Represent antuah lo i, an mah kha a "Class" of people or entity lawng an si caah, Panglong Agreement i, validity kha an hrawh kho lo.

Nullification of Panglong Agreement:

Panglong Agreement hi hrawh duh asi ah cun, legally in hrawhnak lam a um. Cucu, the Constitution of the Union of Burma, Chapter X ning in tuah aherh mi asi. Chapter X hi, Panglong Agreement Nullification Provision asi i, Panglong Signatories pawl nih Panglong Agreement kha Nullify tuah i, Independent State/Nation ah umnak lam cu asi. Cu caah, alenglei in Nullify tuah kho mi Agreement asi lo i, Chapter X ning in, tuah aherh mi asi. Tiger Yawnghwe le ahawi le pawl nih, Independence an claim lio ah, hi process bantuk in tuah an duh ko nain, atlam atling lo mi asi.

Panglong Agreement le Federalism:

Panglong Agreement lio ah kan pu le hna nih an rak chimh bik mi cu, "Kan mah le kan mah te in kan mah kong khua khan lai rel kanduh" timi hi arak si. An chimh duh mi nihin in legal or constitutional wording in tial ah cun, "Self-determination" timi asi. Cu bantuk in Self-determination right kha Constitutional Framework ah kal pi asi tik ah, Unitary System le Federal System pahnih lak ah pakhat khat kha ithimh asi. Cu tuk ah, Federal System kha kan duh tiah, Frontier Areas Commission of Enquiry hmai ah an rak chimh mi asi. Cu caah, Federal Union of Burma dinh i, Chin State kha Founding Member State of Federal Union si ding arak si.

Chin Special Division:

Chin Special Division timi min hi ni chuak ngai asi i, Kawl Hrokhrolnak alanghter mi asi pin ah, Chin Miphun nehsawhnak kha asi. Panglong Agreement Signatory asi mi hi Shan, Kachin, Ministerial Burma hna he sinak "entity" aa khat caah asi i, Kachin Hills kha State peh ansi ah cun, Ministerial Burma le Chin Special Division zawng kha State veve ansi awk asi. Hi bantuk in Lesson thataktak mi hna hi kan philh lo awk atha. Kan mah daithlang ruang ah, Chan chan khat chung, kan tu le fa le hna caah, harnak kantuah sual lai timi hi iral rin aherh peng mi asi.

Secession Right of Chin People:

Secession Right hi Kachin le Shan lawng nih an ngeih an ti mi hi an palh mi asi. Chin Delegates of kha Panglong an phak hlan ah, Kachin le Shan Delegates pawl kha Secession Right kan ngeih lo ah cun, Agreement kha kan sign lai lo tiah an hna arak tla. Chin Delegates pawl Panglong an phak tik ah, Shan le Kachin pawl nih an hna arak tla cang mi vialte kha an chimh i, "Kan hna atla" an ti pin ah, Union Budget kha Chin Hills Development caah hmang asi lai an rak ti mi asi. (Hi zawng te in, Kan pu le nih Federal Administrative Systems or Federal Financing an lung aa fiang lo mi an lo.) Cu caah, Secession Right cu Chin Pawl zawng nih kan ngeih ve.

Federalism or Federal System: "Self-rule and Share-rule"

Panglong Agreement signatories hna, Frontier Areas Commission of Enquiry hmai ah Testimony arak pek mi kan pu pa hna nih an rak duh mi Federalism or Federal System in kal asi tik ah, Kawl nih akan uk lai, Kawl tang ah kan um thiam thiam rih lo lai timi tih phan nak hi Federal System theih thiam lo ruang ah asi deuh. Zei caah tiah, Federal System ah Kawl nih akan uknak hnga ding a um ti lo. Federal System asi cang i, Kan mah te in i uk i, khua khan lairel kho asi mi vialte kan mah te in kan khua khan lai i, Kawl, Shan, Kachin, Karen etc hna he, arual te in Khuakhan lairel aherh mi kong ah khua kan khan, lai kan rel ti hna lai. Cu tik ah, aho hmanh aniam deuh le asang deuh kan um lo. Uk mi le Uk tu an um lo. Kani khat dih tinak asi. Self-rule aherhnak ah Self-rule in kan um lai i, Share-rule aherh nak ah share-rule in kan um lai. Cu cu Federalism or Federal System in alai muru asi.

Independence Chinland?

Chin Miphun chung ah Independence lawng te kan duh. Chin asi lo mi poh poh he Share-rule zawng kan duh lo. Kan mah te in Absolte Self-rule kan duh tiah ati mi majority an si ah cun, Tuah ding asi ko. Asinain, nihin ni tiang ah, International, Regional, le Local contexts vialte "balance" tuah i, "convincing visions" he hi kong hi akan chimh kho mi an um rih lo. Emotional ngai i, Chin Independence Organization hna a dirh mi zawng an um kho ko na in, Factually in Convince tuah bak in hi movement akal pi mi an um rih lo kan ti ah cun kan palh lai lo dah.

Cun, International Context siseh, UN i, Pro-States norms siseh, adang dang pawl kong chiah rih u sih law, kan mah le kan mah hi factually in izoh than tuah u sih. Chinland hi Independent State/Nation pi khi vasi ko u si law, kan herh mi vialte hi van cung in arak tla lai lo i, kan mah le kan mah te in tawl rel ding kasi.

Example:

Independent Ram pakhat ah aherh bik mi cu resources pahnih asi. Material Resources le Human Resources asi. Material Resources kong cu tampi kan theih lo caah, chiah rih u si law, Human Resources kong chim tuah u sih. Kan ram ah Secular College pakhat te a um. Khaikam College asi i, Internationally Acreddited Bechelor Degree pek kho mi College sikhonak caah, Library ah Cauk zei maw zat a um aherh i, Faculty Members cu major offer asi ning i, atlawmbik ah Social Science lawng offer siseh law, (20 to 50) Doctor of Philosophy degree angeih mi kan herh. Kan miphun chung ah, Ph.D. degree angeih mi, ca a chimh kho hnga ding mi pazeizat dah kan ngei hna? Social Science lawng si lo i, Arts and Science, Engineering, Medicine, etc etc cawn aherh lai i, kan miphun nih hin, Human Resources ah zeidah kansi timi hi "factually" in kani hmuh le theih aherh i, thil pakhat argue kantuah duh tik ah, factually in argue kantuah aherh ngai mi asi. CNF Chairman Pu Thomas Thangnou nih 2007 Chin National Day ah, "Ramdang aphan mi Chin Miphun hna nih, fa nau le hna, Education lei ah biatak te in an lung alutnak hnga, Education hmang i, Human Resource Develope tuah hi, National Duty pakhat asi" tiah ruah aherh atimi hi icingkeng aherh tuk mi asi.

Chin National Front:

CNF nih Chin Self-determination, Democracy and Federalism caah dohthlennak atuah mi hi International Historical, Political and Revolutionary Dimension in zoh zawng ah adik. Regional Historical, Political and Revolutionary Dimension in zoh zawng ah adi. Contemporary Political Theory le International Relation Dimension in zoh zawng ah adik. El awk a um lo. Hlawnh awk a um lo. Chap awk zawng a um lo.

Asinain, kan mipi nih zeitindah "Response" antuah timi cu, Mipi Political, Revolutionary, Historical etc hna ah, self-awareness level le commitment zeitluk kan ngeih timi cung ah aa hngat mi asi. 100 ah 100 kani khat dih lai lo. Asinain, "Chin National Interests and Benefits" kha zoh i, kan mah le kan tuan khawhnak cio te in, kan "National Duty" kha kan tuan ve ve ah cun, kan duh mi cu kan hmuh hrim hrim ko lai. "Nothing for Granted" ti asi. Pathian hmanh nih khamh akan duh tik ah, a fapa Zisuh kha athih ter aherh bantuk in, kan National Interests le Benefits hi kan tuan lo ah cun, kan ngah lai lo. Kan hmuh lai lo.

Upatnak he,

Salai Ngun Cung Lian

Federalism le Globalization

1) EU, ASEAN, NAFTA etc hna hmanh nih Federalism hi athat tuk caah an hmang cuah mah mi asi kati duhnak asi. Europe ram i, independent ram bantuk kansi hnu lawng ah Federalism hi kan hmang lai katinak asi lo i, ti duh hnawh mi zawng asi lo. Germany khi Federal Union asi. Federalism ah hin ahme, angan, asang, aniam tahnak a um lo. Amah le asi ning te in, hmang kho asi kati duh i, kan mah ca zawng ah atha bik mi asi rih ko kati duhnak asi.

2) Kawl nih Hlenhphu te kan rak si mi cu, kan mah palh asi. Atuchan ah Hlenhphu te kansi lonak caah, kani zuam aherh i, cu cu kan ram le miphun adawt mi vialte nih kan tuah aherh mi asi. Zokhua bawi kha Thibaw nih ahlenh kho lo mi cu atha tuk. Asinain, U Ne le Chan Htoon te nih September 24, 1947 ni ah "Drafted yet Secretly Amended" Constitution Debate tuah pi lo i, "Adopted" akan tuah ter mi kha kan mah palh asi. Dr. Maung Maung nih Constitution Commentary atial lio ah, "Kawl ram ah miphun tampi kan um ti asi ko nain, Sri Lanka hna bantuk in holh aa theih lo mi kansi lo. Buddhist biaknak ah kani khat dih deuh, Kawl holh kan hmang deuh, kan Culture aa khat dih, kan um, kan ei nak ah kani khat dih deuh" tiah (The Our Constitution of the Union of Burma 74 (1959) ah atial mi hna kan leh kho lo, kan el/al kho lo mi hi cu, kan mah san tlai lo deuh asi tiah karuah.

3) Globalization hi tih anung tuk caah, Federal Union of Burma, ASEAN, UN members hna si aherhnak cu asi. Africa ram i, Coffee acin mi pawl Coffee man cu, USA Califonia i, Starbuck Coffee Company zung nih aman an duh ning in an khiah. USA ah Starbuck Coffee hrai khat (Tall cu US $ 1.68) asi. Africa ram ah Coffee cuai khat cu, US $ 1.50 hrawng asi. Hi hi Globalization tih anungnak asi i, cu ruang ah cun, EU, ASEAN, NAFTA etc hna hi federalism kha lak i, serh an si nak asi. Cu caah, Globalization hi khamh khonak caah cun, kan mah te in um angah lo i, kan kiangkap a um mi hna he kan um ti aherh. Cu lo ah cun, Bill Gate nih kan ram akan cawk lai i, amah inn sak mi ah akan um ter lai i, amah rian kan tuan lai i, thla fatin inn man kan pek sual lai.

4) SPDC Constitution Referendum ah doh ding cu aherh tuk caah, CNF, CNLD, MPP, ZNC le Civic Organizations hna nih timhlamhnak an tuah cuah mah. Chin Forum nih alternative dohnak le cawnnak caah tiah Chinland Constitution Draft cu initiate atuah. CNC nih ram chung ah an lut pi. Chin Forum nih ram chung mi hna athli te in a lak hna i, training apek. Hi vialte hi Meithla tlaih lo i, tuah kho dih siseh law, ahohmanh nih Meithal tlaih lo in tuah an duh cio ko lai. Cu caah, kaa khat tal ah itel ve i, tuan ve aherh tuk nak asi. Khaui ka hmanh ah kani tel lo ah cun, zei pipa kan si lai lo.

5) Vawleicung ah hin apawi ngai mi cu, zeibantuk Dohthlennak poh thisen chuah lo in ahlawh atling mi a um lo. Gandhi i, non-violence movement kha mi 100,000 hrawng an thi khah. Socialist le Communist dohthlenak hna millions in an thi khah. French Revolution tampi an thi. American Revolution tampi an thi. Afak tuk. Tuah lo ah le, Kawl kuttang ah an duh ning poh in um i, thih ding thiam thiam asi. Tuah ah cun, hlawh tling asi lai nain, mi tampi nunnak pek ding asi. Ithimh ding pakhat kan ngei. Tuah lo i, Kawl Kuttang ah Second Class Citizens i um i, acan azatik ah thih thiam thiam maw kani thim lai? Kawl kuttang in luatnak caah ahar taktak mi dohthlennak cu tuah i, harnak thihnak he ram le miphun caah nunnak pek cu maw kani thim lai?

Damte in,

Salai Ngun C. Lian

Federal le Independence?

1) Federal Union dirh i, Self-rule (mah te in khuakhan lairel angah mi poh khuakha lairel) nak le Share-rule (Miphun dang hna he khua khan lairel tinak) hi Constitution bak ah ngeih kho nak hnga ding caah, CNF ke NDF Members vialte nih dothlenhnak an tuah hnawh mi cu asi. Self-rule
and Share-rule timi Federalism hmang mi Federal Constitution a um ah cun, Suu Kyi siseh, Than Shwe siseh tih ding a um lo. Zei caah tiah, Constitution cu Supreme Law of the Land asi i, Constitution cung ah Suu Kyi a um kho lo, Than Shwe a um kho lo, aho hmanh kan um kho lo. Cu
caah, Federalism hi apawi mawh tuknak cu asi.

2) Independence ngahnak caah Dohthlennak tuah duh ah cun, kan mah kan sining izoh hmasa aherh tiah kan ti mi asi. Zungzal i, Chin miphun le Chinland hi Independence Nation/State ah asi kho lo ka ti bal lo. Resource kanti mi hi, Vawlei cung le Vawlei tang ah a um mi lawng asilo. Cu hna nak in a pawi mawh deuh mi, Human Resources ah kan cham bau tuk timi hi kan chimh duh mi asi. Independent Nation/State pakhat siding ah azeilei poh in kan Resources nih atlinh ah cun, 1, 2, 3, in kan si te ko lai. Atucu kan za rih lo. Tuanbia lawng in Independence phuang cu, 21
Century ah angah ti lo. Cu caah, Federalism hi atu lio kansi ning he Globalization hna zoh i, "the most suitable" asi ti nak asi.

3) "CNF vision cu, "self-determination hmuh khawhnak, a dikmi democracy hmuhkhawhnak, NLD cozah dirhkhawhnak, Kawl kuttang ah Union in federalism i vai tel thannak hna hi a si." Hi ah hin adik mi pahnih a um i, adik lo mi, pahnih aum. CNF nih self-determination le Democracy ngeih kan duh kanti mi hi a dik. NLD acozah dirhkhawhnak le Kawl Kuttang ah Union in Federalism in vai tel than timi hna hi a kal ning adik lo.

3 (a) SPDC nih hin NLD hi 1990 General Election ning in, Power pek se law, No 1. in atuah hnga ding mi rian pakhat cu, Constitution kong timh lamhnak tuah ding asi. An mah NLD le 1990 lio i, Elected Asi mi lawng in an tuah awk asi lo. Constitution hi, Elected MPs hna lawng nih an tuah phung ti a um lo. NLD hi acozah an si hmanh ah, Transitory Acozah bantuk an si te lai. Zei caah tiah, Constitution kan ngei lo. Cu caah, atlang pi in Kum 4 chung hrim hrim ah, Constitution pakhat a chuah khonak hnga ding ah rian antuan aherh. Cu Constitution cu, Federal Constitution
(Self-rule and Share-rule) asi mi asi awk asi. Zei caah tiah, Bo Aung Gyaw Road Declaration ah khan Federal Union dirh ding ah an hna atla cang mi asi. Cu caah, NLD acozah dirh khawhnak caah CNF policy timi hi adik lo.

3 (b) Pv ka leh mi ah khan katial cang. Federal ah amah kut tang, keimah kut tang ti a um lo. European Union Member hna cu, UK tang ah an um lo. Germany tang ah an um lo. France tang ah an um lo. Aho tang hmanh an um lo. Hi hi Federalism kanti mi a lai mu ru (A TEE HNA LUNG) cu asi. USA ah keimah umnak Indiana State cu, aho State tang hmanh a um lo. Aho State cung hmanh a um lo. Federalism ah Kawl kut tang ah kan um lai lo i, kan kut tang ah Kawl an um lai lo. Hi hi Federalism theih fiang aherh taktak nak cu asi.

4) Arau hlan ah, Federal Constitution Drafting and Coordinating Committee nih "Draft Constitution of the Federal Union of Republic of Burma" timi Release antuah te lai. SPDC zawng nih 104 Principle base in an tial mi, 25% Military + Majoritarian Burmanization Constitution cu an dih lai i, cu Constitution ning in rian tuan an timh te lai. Ram chung um mi mipi nih rian ngan pi an ngeih bantuk in, Ram leng um mipi hna nih rian kan ngeih ve.

4 (a) Ram chung um mipi hna nih SPDC Draft Constitution Referendum antuah tik ah "NO" an ti aherh. Zei caah tiah, SPDC nih an tial mi 104 Principle base 25% Military + Majoritarian Burmanization Constitution nih kan miphun caah zei hmanh thil tha achuah pi lai lo.

4 (b) Ram leng a um mi hna vialte nih FCDCC Draft Constitution kan support aherh i, SPDC Draft Constitution tuknak caah hriam nam in kani lak aherh. Zei caah tiah, FCDCC tial mi nih hin Federalism hi achuah pi lai tiah zumhnak kangei.

5) Armed Resistance kong: Pv nih Meithal tlaih aherh lo ati. CNF nih Meithal tlaih aherh ati. CNF cu meithal aa tlaih taktak. Meithal tlaih lo i atuan duh mi hna zawng nih Meithal aa tlaih mi kha "Doh" lo in, Meithal tlaih lo in an tuan aherh. EXAMPLE: MPP, CNLD, ZNC, etc etc. Meithal zawng tlaih tung lo, Doh zawng doh tung lo, Meithal tlaih i, adoh mi hna "Doh" le Meithal tlaih lo in adoh mi hna "Bawmh" lo in um hi, "Hrawkhrawl" asi. Kan Common Enemy cu "Kawl Ralkap Uknak" asi. Ral dang kan ngei lo. Kan Common Enemy kha zei bantuk in dah kan doh lai timi cu mah le siaremh ning le zumh ning cio in asi phung asi. Asinain, Common Enemy doh lo in, kan Common Enemy adoh mi hna doh ahmang mi hna hi cu "Traitors" pawl ansi bik. USA, UK, RUSSIA hna nih GERMANY, ITALY le JAPAN hna kha Second Worldwar ah an Common Enemy an si nain, an doh ning, an Strategy aa khat lo. An Goal lawng aa khat. Facisism kha a hram in phoih ding asi.

6) SPDC Doctators hna cu, Kawl Miphun ah siter, Buddhish siter, One people One Nation tiah akan duh caah, Ralkap Half-Million an ngeih i, Hriamnam thazang bo chan i, an duh ning in akan tuah. Chin Miphun vialte Half Million lawng kansi i, Meithla kani tlaih dih (Meithla Tlaih aduh lo i A-I Guns lawng ahmang mi kan tam ngai hi mu) hmanh ah, kan teinak a um lo. Asinain, kan van athat nak cu, Vawleicung ah Meithal lawng nih Lai arel ti lo i, khua akhan ti lo. Cu caah, Panglong Agreement i, Essense kan chimh kho deuh poh poh, Hawi kan ngei tam deuh deuh. Self-governance arak si mi kan chimh kho deuh poh poh, tanh tu kan ngei deuh deuh. Democracy, Human Rights le Freedom kan au pi deuh poh poh, "Angelina Jolie" hna tiang nih akan leng duh deuh deuh.

7) Vawlei cung ah ram tha bik asi tiah anti mi USA cu Federal System ahmang mi ansi. Cu bantuk in Ram tha le ram nuam, Miphun tampi hna lungrual te in (share-rule) an hmang ti i, an mah le an mah (Share-rule) an hmang nak ram hna tam deuh hi, Federalism ahmang mi asi. Daihnak (Peace) achuah pi mi, Thanchonak (Development) a chuah pi mi, Political System tam deuh hi zoh tik ah, Federalism hi an hmang tam bik.

Adongnak ah, Independence bak kaduh ati mi kan um zawng ah nan palh kan ti kho hna lo. Asinain, Independence Chinland kan ngeih kho lo nak cu, SPDC hi an si. Cu caah, Independence aduh mi zawng si hna u sih, Federal azumh mi sihna u sih, SPDC/KRU aduh lo mi "Chin Miphun" poh poh, kan "Common Enemy" asi mi SPDC/KRU hi kan doh ti aherh. Nang na dik lo, kei ka dik deuh tiah, kan "Common Enemy" kha doh lo i, kan mah le kan mah kani doh chung poh cu, kan "Common Enemy" asi mi, SPDC/KRU tang in kan luat kho lai lo.

Apawi ngai mi pakhat cu, Bawi Lung chuih hna thiam set tung lo i, Pele bantuk "Football Legend" hna Bawlung a chuih ning sawisel le cawnpiak aduh mi kan tam ngai rihnak hi asi.

"Lungrual cu cah nak asi, Chindween va bang luang ti u sih" tiah Pu Mang Ceu Lian nih hla aphauh ... Alai ah alung mi, aki te ah a lung mi, alu lei te in azulh mi, ahmai lei te in akal mi kan um ko lai. Asinain, Chindween va bang zai lo te in kan luang ti poh ah cun, kan duh mi cu kan hmuh hrim hrim ko lai.

Upatnak he,

Salai Ngun Cung Lian